میڈیکل سپرنٹنڈنٹ ڈاکٹر عامر عزیز کی محنت رنگ لے آئی کشمیر انسٹیٹیوٹ آف کارڈیالوجی میں مخیر حضرات کے تعاون سے ڈیجیٹل ایکسرے یونٹ انسٹال کر دیا گیا جس نے باقاعدہ کام بھی شروع کر دیا اس سے قبل کشمیر انسٹیٹیوٹ آف کارڈیالوجی میں زیر علاج مریضوں کو ایکسرے کے لئے ڈویژنل ہیڈ کوارٹرز ٹیچنگ ہسپتال میرپور میں قائم ریڈیالوجی ڈیپارٹمنٹ میں جانا پڑتا تھا جس سے مریض اور اُن کے لواحقین کو دشواری کا سامنا کرنا پڑتا تھا
میڈیکل سپرنٹنڈنٹ ڈاکٹر عامر عزیز نے مریضوں کی سہولت کے پیش نظر ہیڈ آف کارڈیالوجی ڈیپارٹمنٹ ڈاکٹر سعید عالم ، ڈاکٹر رضاء الحق ، برہان الحق اور ڈاکٹر صدف شبیر کیانی کے ساتھ مل کر مخیر حضرات کے تعاون سے کشمیر انسٹیٹیوٹ آف کارڈیالوجی میں جدید ڈیجیٹل ایکسرے سسٹم نصب کروا دیا میڈیکل سپرنٹنڈنٹ ڈاکٹر عامر عزیز نے ڈاکٹر سعید عالم ، ڈاکٹر رضاء الحق ، ڈاکٹر برہان الحق ، ڈاکٹر صدف شبیر کیانی اور مخیر حضرات کا شکریہ ادا کیا جن کی بدولت کشمیر انسٹیٹیوٹ آف کارڈیالوجی میں ایکسرے سسٹم نصب کرنا ممکن ہوا
میڈیکل سپرنٹنڈنٹ ڈاکٹر عامر عزیز نے کشمیر انسٹیٹیوٹ آف کارڈیالوجی میں دوران وزٹ گفتگو کرتے ہوئے کہا ہیکہ ہمارا مقصد مریضوں کو بہترین سروسز فراہم کرنا ہے کشمیر انسٹیٹیوٹ آف کارڈیالوجی میں ایکسرے سسٹم نصب کرنا وقت کی اہم ضرورت تھی جب بھی کسی مریض کو ایکسرے کے لئے ریڈیالوجی ڈیپارٹمنٹ شفٹ کیا جاتا تھا مجھے ذاتی طور پہ دلی تکلیف ہوتی تھی مزید برآں میڈیکل سپرنٹنڈنٹ نے گفتگو کرتے ہوئے کہا ہیکہ کشمیر انسٹیٹیوٹ آف کارڈیالوجی میں ایکسرے سسٹم نصب کرنے کے حوالہ سے جس جس نے جو بھی مثبت کردار ادا کیا بطور میڈیکل سپرنٹنڈنٹ میں سب کا شکریہ ادا کرتا ہوں