گزشتہ روز میرپور کے نجی ہوٹل میں بلڈ ٹرانسفیوژن کے حوالہ سے ایک سیمینار منعقد کیا گیا جس کے مہمان خصوصی جناب ڈائریکٹر جنرل ہیلتھ ڈاکٹر فاروق احمد نور صاحب تھے جبکہ سیمینار کی صدارت میڈیکل سپرنٹنڈنٹ ڈاکٹر عامر عزیز صاحب نے کی
سیمینار منعقد کرنے میں پروفیسر ڈاکٹر زائدہ قاسم نے اہم کردار ادا کیا
بلڈ ٹرانسفیوژن سے متعلق پروفیسر ڈاکٹر ہمایوں شفیق صاحب ، ڈاکٹر عثمان وحید ڈاکٹر زینب اکرم ، ڈاکٹر احمد فاروق اور اخلاق وزیر نے لیکچرز دیے
سیمینار میں بینظیر بھٹو شہید میڈیکل کالج میرپور ، محی الدین میڈیکل کالج میرپور ، واپڈا ہسپتال منگلا کے علاؤہ کوٹلی اور بھمبر سے بھی ڈاکٹرز اور دیگر ٹیکنیکل عملہ نے شرکت کی۔
سیمینار کا مقصد شرکاء کو بلڈ ٹرانسفیوژن کے حوالہ سے جدید ترین ٹیکنالوجی سے متعارف کروانا تھا اور جدید ٹیکنالوجی کی مدد سے مریض اور ڈونر دونوں کو پیچیدگیوں سے محفوظ رکھنا ہے
مہمان خصوصی ڈائریکٹر جنرل ہیلتھ ڈاکٹر فاروق احمد نور اور میڈیکل سپرنٹنڈنٹ ڈاکٹر عامر عزیز نے سیمینار کو وقت کی اہم ضرورت قرار دیا اس کے علاؤہ آفیسران نے اپنے خیالات کا اظہار کرتے ہوئے کہا ہیکہ پتھالوجی ڈیپارٹمنٹ محکمہ ہیلتھ میں ریڑھ کی ہڈی کی حیثیت رکھتا جس کو کسی صورت نظر انداز نہیں کیا جا سکتا حکومت آزاد کشمیر ریاست کے تمام ہسپتال ہا میں جدید ٹیکنالوجی سے لیس مشینری متعارف کروا رہی ہے جس سے مریضوں کی تشخیص میں مدد حاصل ہو گئی اور مریضوں کو بہترین سروسز فراہم کرنے میں پتھالوجی ڈیپارٹمنٹ اہم کردار ادا کرے گا۔
